Gumshem Myen hpyen ni rim woi mat ai, Maw Hpawng mare na Hpung magam gun ni hpe bai dat ya

Myitkyina, makau Maw Hpawng mare na hpung magam gun mrai 5 hpe, April shata 20 ya shana gumshem Myen hpyen dap ni rim woi mat ai kaw na April shata 22 ya shana bai dat ya sai lam chye lu ai.

Rim woi hkrum ai hta RCM nawku hpung na marai 2 hte KBC nawku hpung na marai 3 yawng marai 5 re. Gumshem Myen hpyen ni gaw nawku jawng wang kata hpyen hte seng ai arung arai Drone hte 107mm pala si ni makoi shalai ai ngu ntsen nhten ai hte rim woi mat ai re lam, ginra shiga lawk kaw na mu chye lu ai re.

Ndai zawn ntsen nhten ai hte rim woi hkrum ai Hpung magam gun ni hpe Peace-talk Creactioin Group (PCG) ni pahkam hkam nhtawm, bai sa tsun shaw la ai re lam chye lu ai.