EEDY NEWS News and Development
Sinpraw Ginwang Ginjaw, KIA Masat (3) Dap Ba, Masat (12) Dap Dung ginra hte Masat (27) Dap Dung ginra kaw dap jung nga ai, gumshem Myen hpyen dap shara (3) hpe, March shata 24 ya shani KIA pawng hpawm hpyen hpung ni zing la lu ai lam chye lu ai.
Shwigu Ginwang, KIA Masat (12) Dap Dung ginra, Namlim Pa hte Bang Htan kaw dap jung ai gumshem Myen hpyen dap ni March 24 ya jahpawt hkying 1:00am aten daram hta dap kata na hprawg pru mat sai rai nna, ndai Myen hpyen ni gara de gahkyin mat ai hpe n chye lu ai lam, ginsha shiga lawk ni tsun ai.
Ulang Pa Ginwang, KIA Masat (27) Dap Dung ginra, Munghkawng mare kaw aten shaning na na dap jung shara jahkrat nga sai, gumshem Myen hpyen dap Hk.L.Y (121) dap ni mung, March shata 24 ya jahpawt hkying 12:30am aten daram hta modo kaw nna wa htaw la mat ai lam, ginra masha ni tsun ai re.
Ndai Myen hpyen hpung ni gaw, ya aten Manje kaw dap jung nga ai, Hk.M.Y (319. 601) hte Myawk Dap ni kaw wa du shang nga ai lam na chye lu ai.
Munghkawng gumshem Myen hpyen dap hpe gaw, March shata 24 ya shani KIA hpyen hpung ni wan nat jahten kau ya sai sha n-ga, ga ganaw jak hte mung ganaw shara kau sai lam chye lu ai.
