Nmawk ginra hta gasat gala majan byin

Manmaw Nmawk ginra hta KIA hte gumshem Myen hpyen dap lapran gasat gala majan byin ai lam chye lu ai.

Manmaw Nmawk ginra hta hpyen garum lung wa ai gumshem Myen hpyen hpung ni hte KIA pawng hpawm hpyen hpung ni April shata 22 ya jahpawt hkying 7:30am aten daram kaw na, Hka Nan mare kaw gasat gala majan byin nga ai lam, ginra masha langai tsun ai.

Gasat gala majan byin nga ai ten, Manmaw gumshem Myen hpyen laknak kaba dap kaw na laknak kaba, nbungli bawm ni hte wa gap bun ai majaw, mungshawa ni a dum nta nkau hten za hkrum ai hte mung shawa nkau hkala hkrum ai lam chye lu ai.

Matut nna Masat (1) Dap Nawng Daju ginra hta April shata 22 ya jahpawt hkying 2:30am aten daram kaw, Shwe Min P.T.Ts hte gumshem Myen hpyen dap pawng hpawm n-gun 200 daram hpung ni, Ga Ra Yang maga hku na Sam Pai de lai mat wa ai lam chye lu ai.

Ya aten gumshem Myen hpyen dap ni hpyen htu shadut lung wa ai lam ni galaw nga ai majaw, KIA hte gumshem Myen hpyen dap lapran gasat gala majan matut byin wa mai ai lam chye lu ai.