Kunglaw gumshem Myen hpyen dap hpe KIA ni gasat zing la

Manmaw, Kunglaw mare kaw dap jung nga ai gumshem Myen hpyen dap hpe KIA ni gasat zing madu la lu sai lam chye lu ai.

March shata 26 ya jahpawt hkying 7:30am aten daram hta, Kunglaw mare kaw dap jung nga ai, gumshem Myen hpyen Hk.M.Y (387) dap hpe KIA ni padang dip la lu sai lam, lit nga ai salang langai tsun ai.

Kunglaw gumshem Myen hpyen dap hpe KIA ni March shata 23 ya shani kaw na htim gasat nga ai hta gumshem Myen hpyen dap nbungli laknak kaba ni hte gap garum ya ai lam ni nga ai raitim, gasat zing madu la lu sai lam chye lu ai.

Laiza, Manmaw lam kaba ntsa dap jung nga ai gumshem Myen hpyen dap shara ni hpe KIA ni htim gasat nga ai hta shara nkau hpe lu la sai rai nna, ngam nga ai shara ni hpe matut naw htim gasat nga ai lam chye lu ai.

Lai wa sai March shata praw 7 ya shani kaw nga Myitkyina Laiza, Laiza Manmaw lam kaba ntsa dap jung nga ai gumshem Myen hpyen dap shara ni hpe KIA ni htim gasat hpang wa ai gaw ya aten du hkra, lahkawng maga hpyen masa shaja hkat nga ding yang naw re hpe chye lu ai.