Ngamaw Zup Myen dap hpe KIA ni gasat zing la

KIA Masat (7) Dap Ba, Masat (46) Dap Dung ginra, Ngamaw Zup gumshem Myen hpyen dap hpe KIA ni gasat zing la lu ai lam chye lu ai.

April shata 16 ya jahpawt hkying 7:00am aten daram hta Ngamaw Zup gumshem Myen hpyen dap post hpe KIA Masat (46) Dap Dung hpyen hpung ni gasat zing la lu sai lam, lit nga ai salang ni kaw na chye lu ai.

Ya na zawn gumshem Myen hpyen dap ni shara jahkrat nga ai hpyen dap, post shara ni hpe KIA pawng hpawm hpyen hpung ni htim gasat padang dip la nga ai rai nna, KIA hte gumshem Myen hpyen dap lapran gasat gala majan matut byin wa mai ai lam chye lu ai.