Noi Je Bum gumshem Myen hpyen dap hpe KIA ni padang dip la

KIA Masat (2) Dap Ba, Masat (14) Dap Dung ginra, Hugawng Ginwang, Noi Je Bum gumshem Myen hpyen dap hpe KIA ni padang dip la lu sai lam chye lu ai.

April shata 17 ya jahpawt daw hkying 10:00am aten daram hta N-Ga Ga mare, Pat Bum (Noi Je Bum) kaw dap jung nga ai, gumshem Myen hpyen Hk.L.Y (297) dap hpe KIA pawng hpawm hpyen hpung ni htim gasat padang dip la lu sai lam, lit nga ai salang ni kaw na chye lu ai.

Ya na zawn gumshem Myen hpyen dap ni dap jung nga ai shara ni hpe KIA ni htim gasat padang dip la nga ai hta KIA hte gumshem Myen hpyen dap lapran hpyen masa shaja hkat nga ding yang re ai majaw, matut nna gasat gala majan byin wa mai ai lam chye lu ai.